ചവറ: പ്രായപൂര്‍ത്തിയാകാത്ത പെണ്‍കുട്ടിക്ക് നേരെ ലൈംഗികാതിക്രമം നടത്തിയ വ്യാപാരി പോലീസ് പിടിയില്‍. കോയിവിള സെന്‍റ് ആന്‍റണീസ് സ്കൂളിന് സമീപം കട നടത്തുന്ന എഡ്വേര്‍ഡ് (70) ആണ് ചവറ തെക്കുംഭാഗം പോലീസിന്റെ പിടിയിലായത്.
കടയിലെത്തിയ പെണ്‍കുട്ടിയോട് ഇയാള്‍ അപമര്യാദയായി പെരുമാറിയെന്നാണ് പരാതി. ചവറ തെക്കുംഭാഗം എസ്.ഐമാരായ ഷാജിഗണേഷ്, ശങ്കരനാരായണന്‍, എസ്.സി.പി.ഒ ഷക്കീല എന്നിവരടങ്ങിയ പൊലീസ് സംഘമാണ് പ്രതിയെ പിടികൂടിയത്. തുടര്‍ന്ന് പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു.
അതേസമയം, അഞ്ച് വയസ്സുകാരിയോട് ലൈംഗികാതിക്രമം നടത്തിയ യുവാവ് പോലീസ് പിടിയില്‍. തട്ടാര്‍ക്കോണം സ്വദേശി പരിപ്പ് സജീവ് എന്നറിയപ്പെടുന്ന സജീവ് (35) ആണ് കിളികൊല്ലൂര്‍ പോലീസിന്റെ പിടിയിലായത്. ഇയാള്‍ നേരത്തെയും പോക്സോ കേസില്‍ പ്രതിയാണ്. കിളികൊല്ലൂര്‍ എസ്.ഐ സുകേഷിന്‍റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
