ഇടുക്കി: മുല്ലപ്പെരിയാര്‍ ഡാമിലെ ജലനിരപ്പ് 141 അടി‌യായി ഉയര്‍ന്നതോടെ അണക്കെട്ടില്‍ രണ്ടാമത്തെ ജാഗ്രത നിര്‍ദേശം നല്‍കി.
മഴയും തമിഴ്നാട് കൊണ്ടുപോകുന്ന വെള്ളത്തിന്‍റെ അളവ് കുറച്ചതുമാണ് ജലനിരപ്പ് ഉയരാന്‍ കാരണമായത്.
വൃഷ്ടി പ്രദേശത്ത് നിന്നും ഒഴുകിയെത്തുന്ന ജലത്തിന്‍റെ അളവ് കൂടുതലാണ്. 4216 ഘനയടിയാണ് ഓരോ സെക്കന്‍ഡിലും ഒഴുകിയെത്തുന്നത്. വൃഷ്ടിപ്രദേശത്ത് മഴ ഇല്ലാത്തതിനാല്‍ നിലവില്‍ ആശങ്കപ്പെടേണ്ട സാഹചര്യം ഇല്ലെന്നാണ് വിലയിരുത്തല്‍
511 ഘന അടി വെള്ളമാണ് തമിഴ്നാട് നിലവില്‍ കൊണ്ടുപോകുന്നത്. പരമാവധി സംഭരണ ശേഷിയായ 142അടി വെള്ളം മുല്ലപെരിയാറില്‍ സംഭരിക്കാം. ജലനിരപ്പ് ഉയര്‍ന്നതിനാല്‍ കൂടുതല്‍ വെള്ളം തമിഴ്നാട്ടിലേക്ക് കൊണ്ടു പോകണമെന്ന് സംസ്ഥാനം ആവശ്യപ്പെട്ടിട്ടുണ്ട്.
