റിയാദ്: കൊല്ലം സ്വദേശിയായ പ്രവാസി സൗദി അറേബ്യയില്‍ മരിച്ചു മയ്യനാട് സ്വദേശിയായ സന്തോഷ് കുമാര്‍ (52) ആണ് ജിദ്ദയില്‍ നിര്യാതനായത്.
ജിദ്ദ സനാഇയ്യയിലെ ഫാര്‍മസ്യൂട്ടിക്കല്‍ സൊല്യൂഷന്‍സ് ഇന്‍ഡസ്ട്രി (പി.എസ്.ഐ) എന്ന കമ്ബനിയില്‍ 12 വര്‍ഷമായി ജീവനക്കാരനായിരുന്നു.
ഞായറാഴ്ച പുലര്‍ച്ചെ രണ്ട് മണിയോടെ ഉറക്കത്തിലാണ് മരണം സംഭവിച്ചതെന്ന് കരുതുന്നു. രാവിലെ പ്രഭാത ഭക്ഷണം കഴിക്കാന്‍ എത്താതിരുന്നപ്പോള്‍ തൊട്ടടുത്ത മുറിയില്‍ താമസിക്കുന്ന സുഹൃത്ത് അന്വേഷിച്ചപ്പോഴാണ് മരിച്ച നിലയില്‍ കണ്ടെത്തിയത്. ഉടന്‍ കമ്ബനിയേയും പൊലീസിനെയും വിവരമറിയിക്കുകയായിരുന്നു.
